Sunday, August 12, 2018


የኢትዮጵያ ብሔራዊ የባህል ማዕከል በሀገረ ሰብ የባህል ሕክምና ዙሪያ ሀገራዊ የውይይት መድረክ አዘጋጀ፡፡
የባህል መድኃኒት ጠበብቶች እና ሳይንሳዊ ሊቃውንቶች ተቀራርቦ መስራት ላይ ችግር እንዳለባቸው ተገልጾዋል፡፡
*******


የኢትዮጵያ ብሔራዊ የባህል ማዕከል ነሐሴ 4 ቀን 2010 ዓ.ም. አምስት ኪሎ ቅርስ ጥናትና ጥበቃ ባለሥልጣን አዳራሽ በሀገረሰባዊ ሕክምና ዙሪያ ሀገራዊ ውይይት አካሄደ፡፡ ውይይቱ ሀገረሰባዊ የህክምና ጥበባችን ከየት? ወደየት? በሚል መነሻ የቀረበ ሲሆን የአዲስ አበባ ዩኒቨርሲቲ የነገረ መድሃኒት መምህራን ለውይይቱ መነሻ የሚሆን ጥናት አቅርበው ሰፊ ውይይት ተካሂዷል፡፡

Tuesday, May 29, 2018


የትግራይ የባህል ፌስቲቫል በአክሱም ከተማ እየተካሄደ ነው፡፡
በሜሮን ታምሩ

በትግራይ ብሔራዊ ክልላዊ መንግሥት ከሚገኙ 53 ወረዳዎች ውስጥ 34ቱ ወረዳዎች የተሳተፉበት ክልል አቀፍ የባህል ሳምንት በስልጣኔ ፈር ቀዳጅ በሆነችው በአክሱም ከተማ በመከናወን ላይ ይገኛል፡፡ 

Saturday, February 3, 2018

የሰባት ቤት አገው የፈረሰኞች ማህበር 78ተኛ ዓመታዊ የፈረስ ትርዒት ነገ ይካሄዳል፡፡


በአዊ ብሔረሰብ ዞን በየዓመቱ የሚከበረውና በሰባት ቤት አገው ፈረሰኞች ማህበር የሚዘጋጀው ዓመታዊ የፈረስ ትርዒት ዘንድሮ ለ 78ተኛ ጊዜ ነገ ጥር 27 2010 ዓ.ም. በእንጅባራ ከተማ በድምቀት ይካሔዳል፡፡


በ 1933 ዓ.ም. በአደዋ ጦርነት የዘመተውን የፈረሰኛው ጊዮርጊስ ታቦትና የፈረሰኛ አርበኞችን ተጋድሎ ለመዘከር በኢጣሊያ ወረራ ወቅት የተፀነሰው የአዊ ፈረሰኞች ማህበር ለ 78 ተከታታይ ዓመታት ባህላዊ የፈረስ ትርዒት ሲያዘጋጅ ቆይቷል ዘንድሮም የአማራ ባህልና ቱሪዝም ቢሮ ከፌደራል ባህልና ቱሪዝም ሚኒስቴርና ባለድርሻ አካላት በመተባበር የደገፉት ይህ በዓል በአዊ ብሔረሰብ ዞን ዋና ከተማ እንጅባራ በተለያዩ ዝግጅቶች እየተከበረ ይገኛል፡፡

Friday, October 6, 2017



የየም ብሔረሰብ የዘመን መለወጫ በዓል /ሄቦ/


በየም ብሔረሰብ ልዩ ስፍራ ከሚሰጣቸው ባህላዊ በዓላት አንዱ ሄቦ ነው፡፡ በጉጉት የሚጠበቅና ከፍተኛ ዝግጅት ተደርጎበት የሚከበረው የሄቦ በዓል የተጀመረበት ትክክለኛ ጊዜ ባይታወቅም ከጥንት ጀምሮ የብሔረሰቡ ዘመን መለወጫ በዓል ሆኖ  ሲከበር የመጣ በዓል ነው፡፡



የየም ልዩ ወረዳ አስናቂ መስህቦች

አንገሪ ቤተ መንግስት

የየም ልዩ ወረዳ በደ/ብ/ብ/ህ/ክ መንግስት በደቡብ ምዕራብ ኢትዮጵያ የሚገኝ ሲሆን ከሀገራችን መዲና አዲስ አበባ በ239 ኪሎ ሜትር ከክልሉ መቀመጫ ከሐዋሳ በቡታጅራ በኩል 333 ኪሎ ሜትር ርቀት ላይ ይገኛል፡፡ ወረዳውን በደቡብ ኦሮሚያ ክልልና ሀዲያ ዞን በሰሜን ኦሮሚያ ክልል፣ በምስራቅ ጉራጌ ዞንና ሀዲያ ዞን፣ በምዕራብ ኦሮሚያ ክልል ያዋስኑታል፡፡ በደቡብ ክልል ከሚገኙ 56 ብሔሮች ብሔረሰቦችና ህዝቦች መካከል አንዱ የሆነው የየም ብሔረሰብ በዋናነት የሚኖረው በየም ልዩ ወረዳ ክልል ውስጥ ሲሆን ከወረዳው ውጭ በጅማ ዞንና በሀገሪቱ በተለያዩ አካባቢዎች በብዛት ይኖራሉ፡፡   

Friday, March 3, 2017

121ኛው የአድዋ ድል በዓል በብሄራዊ ደረጃ ለመጀመሪያ ግዜ በአድዋ ከተማ ተከብሯል፡፡








121ኛው የአድዋ ድል በዓል በብሄራዊ ደረጃ ለመጀመሪያ ግዜ በአድዋ ከተማ ተከብሯል፡፡ የአድዋ 121ኛ የድል በዓል በአድዋ ከተማ ጦርነቱ በተከናወነበት የሶሎዳ ተራራ ግርጌ በሀገር ዓቀፍ ደረጃ ለመጀመሪያ ግዜ ‹‹ የአድዋ ድል ብዝኃነን ላከበረቻት  ኢትዮጵያ ድህነትን ለማሸነፍ የሚያስችል ህያው አብነት ነው››!! በሚል መሪ ቃል ተከብሯል፡፡

Monday, December 12, 2016



የባሌ ተራሮች ብሔራዊ ፓርክ ቀጣይ የትኩረት አቅጣጫዎች የሚደግፉ ልምዶችን ለመቅሰም የሚያስችል የልምድ ልውውጥ ጉብኝት በኬኒያ እየተደረገ ነው፡፡



Monday, November 7, 2016



4ኛው የኢትዮጵያ ዋርደኖች ጉባኤ፤ 

አርባ ምንጭ ከተማ ከጥቅምት 24 እስከ 27 ቀን 2009 ዓ.ም. ዓመታዊውን የኢትዮጵያ ዋርደኖች ጉባኤ አስተናግዳለች፡፡ የነጭ ሳር ብሔራዊ ፓርክ ወደብ ከተማ የሆነችው እና ከአዲስ አበባ 500 ኪሎ ሜትር ርቀት ላይ የምትገኘው አርባ ምንጭ ያስተናገደችው የዘንድሮው ጉባኤ ለአራተኛ ጊዜ የተካሄደ ነበር፡፡

Thursday, October 20, 2016



አዲሱ የኢትዮጵያ ቱሪዝም ብራንድ እና ቀጣዩ የመገናኛ ብዙኃን ሚና

=====================================
ኢትዮጵያ የመለዮ ስያሜውን LAND OF ORIGINS ያደረገ አዲስ የቱሪዝም አርማ እና መለዮ ስያሜ ይፋ አድርጋለች፡፡ በቅርቡ በኢትዮጵያ ቱሪዝም ትራንስፎርሜሽን ምክር ቤት ጉባኤ ላይ ጠቅላይ ሚኒስትሩ ይፋ ያደረጉት አዲሱ የመለዮ ስያሜ ግማሽ ምዕተ ዓመት ያክል የአስራ ሦስት ወር ጸጋ በሚል ሲያገለግል የኖረውን ብራንድ ስያሜ የሚተካ ነው፡፡

Friday, October 14, 2016


የመስቀል በዓል አከባበር በክስታኔ ቤተ-ጉራጌ
ጢያ ትክል ድንጋይ-ሶዶ ወረዳ
 

የመስቀል በዓል የተራራቁ የሚቀራረቡበት፣ የተነፋፈቁ ናፍቆታቸውን የሚወጡበት፣ ያለፈው ጊዜ ምን እንደሚመስል መጪው ጊዜ ምን መሆን እንዳለበት የሚወስኑበት ለክብረ በዓሉ በሰላም ላደረሳቸው ፈጣሪያቸው ምስጋና የሚያቀርቡበት ለወደፊቱም መልካም ምኞታቸውን የሚገልፁበት አጋጣሚ ነው፡፡ መስቀል የክስታኔ ቤተ-ጉራጌ ማህበረሰባዊ ልማዱን ከትውልድ ትውልድ ከሚያስተላልፍባቸው ሀገራዊ ልማዶች መካከል አንዱ በዓል ነው፡፡

Saturday, September 10, 2016


ጎፋ ጋዜ ማስቃላ 2009 በዛላ ወረዳ ይከበራል፡፡
 

በጎፋ ብሔረሰብ ዘንድ በድምቀት የሚከበረው የመስቀል በዓል ጎፋ ጋዜ ማስቃላ 2009 በዛላ ወረዳ በድምቀት ይከበራል፡፡ ከመስከረም 9-10 ቀን 2009 ዓ.ም. የሚከበረው ይህ በዓል በጎፋ ብሔረሰብ የተለዩ እሴቶች የሚደምቅና ጊያ ካንሶ በሚባለው የመስቀል በዓል ሽኝት ሥነ-ሥርዓት የሚታጀብ ነው፡፡

Friday, August 26, 2016


አሸንዳ 2008 በዓል በመቐለ በድምቀት ተከብሯል፡፡
Photo; Ashenda festival in Mekelle

አሸንዳ 2008 ባህላዊ ኩነት በትግራይ ክልል ርዕሰ መዲና በመቐለ በድምቀት ተከብሯል፡፡ ከነሐሴ 15 እስከ ነሐሴ 18 ቀን 2008 ዓ.ም. በልዩ ልዩ ዝግጅቶች ሲከበር የቆየው ይህ በዓል ከመቐለ ከተማ ውጪ በተንቤን አብይ አዲም በድምቀት መከበሩን ለማወቅ ችለናል፡፡


ሻደይ 2008 ፌስቲቫል በድምቀት ተከበረ፡፡
Photo: shaday festival 2016 wagehimera zone
ሻደይ 2008 የባህል ፌስቲቫል በዋግኽምራ ብሔረሰብ ዞን መዲና በሰቆጣ ከተማ ከነሐሴ 14 ቀን እስከ 16 2008 ዓ.ም. በድምቀት ተከብሯል፡፡"የሻደይ ባህላችን ለዘላቂ ልማታችን" በሚል የተከበረው ይህ በዓል የተለያዩ ዝግጅቶችን ያካተተ ሲሆን በርካታ የመገናኛ ብዙሃን ባለሙያዎችና ጥሪ የተደረገላችው እንግዶች የታደሙበት ነው፡፡

Thursday, August 4, 2016


                       ኦይዳ ወረዳ
 

የኦይዳ ወረዳ በጋሞ ጎፋ ዞን ከሚገኙ አስራ አምስት ወረዳዎች ውስጥ አንዱ ሲሆን የወረዳው ዋና ከተማ ሸፊቴ ይባላል፡፡ ወረዳው የተመሰረተው በ1998 ዓ.ም. ነው፡፡ ኦይዳ ማለት ለም ማለት ሲሆን የብሔረሰቡና የወረዳው መጠሪያም ነው፡፡ ወረዳው በሃያ ቀበሌያት የተዋቀረ ሆኖ በደቡብ ኡባ ደብረ ፀሀይ፣ በሰሜን ገዜ ጎፋ፣ በምዕራብ ሰሜን አሪ እና በምስራቅ ደግሞ ደንባ ጎፋ ወረዳ ያዋስኑታል፡፡

Wednesday, August 3, 2016


        የባህልና ቱሪዝም ሚኒስቴር የህዝብና ዓለም አቀፍ ዳይሮክተሬት በ2008 ዓ.ም. አፈጻጸም ተሸላሚ ሆነ፡፡

በመንግስት ኮሙኒኬሽን ጽ/ቤት በዘርፍ ከሚገኙ የፌዴራል የኮሙኒኬሽን አደረጃጀቶች መካከል የ2008 ዓ.ም. አፈጻጸም የላቀ ውጤት ላመጡ እውቅና ተሰጥቷል፡፡

Wednesday, June 15, 2016


ባህል ለኢትዮጵያ ልማት ሀገር አቀፍ ጉባኤ በጎንደር እየተካሄደ ነው፡፡

 

የኢ.ፊ.ዲ.ሪ ባህልና ቱሪዝም ሚኒስቴር ከጎንደር ዩኒቨርሲቲ ጋር በመተባበር የሚያዘጋጀው ዓመታዊው ባህል ለኢትዮጵያ ልማት በጎንደር እየተካሄደ ነው፡፡
 
 

Friday, May 20, 2016

ዓለም አቀፉ የሙዚየም ቀን ተከበረ



 የዘንድሮ የዓለም የሙዚየም ቀን‹‹ ሙዚየሞችና ባህላዊ መልክዓ ምድር!››/ Museums and Cultural Landscape/ በሚል መሪ ቃል በዓለም አቀፍ ደረጃ ለ39ኛ ጊዜ በአገራችን ለ14 ጊዜ በደቡብ ብሄር ብሄረሰቦችና ህዝቦች ክልል ተከበረ፡፡
በተፈጥሮአዊና ባህላዊ የመልክዓ ምድር አያያዝና አጠቃቀም ፣ በጥምር ደንና የግብርና ሥርዓት  በዓለም ቅርስነት ባስመዘገበው በደቡብ ብሔር ብሄረሰቦችና ሕዝቦች ክልል መከበሩ ልዩ ያደርገዋል፡፡  በክልሉ ከተማዎች ማለትም  በሐዋሳ ፣ በአርባ ምንጭ ፣ በቱርሚ፣ በጅንካና በኮንሶ አካባቢዎች ማዕከል በማድረግ ከግንቦት 06   እስከ ግንቦት 12  2008 ዓ.ም የተለያዩ ፕሮግራሞች ተከናውነዋል፡፡