Tuesday, August 18, 2015

የሆቴሎች የኮኮብ ደረጃ ምደባ ውጤት ይፋ ሆነ፡፡
የኢ.ፌ.ዲ.ሪ ባህልና ቱሪዝም ሚኒስቴር ከተባበሩት መንግስታት የዓለም የቱሪዝም ድርጅት ጋር በመሆን ከሚያዚያ 1ቀን 2007ዓ.ም ጀምሮ በአገራችን የሚገኙ ሆቴሎችና ሪዞርት ላይ በኮኮብ ደረጃ የመመደብ ስራ የጀመረ ሲሆን በቅድሚያም በአዲስ አበባ ከተማ የሚገኙ ሆቴሎች ላይ የደረጃ ምደባ ስራው ተከናውኗል፡፡ በዚህም መሰረት በኮኮብ ደረጃ የመመደቡ ስራ ተጠናቆ ውጤቱ ነሐሴ 2,2007 ዓ.ም ለህዝብ ይፋ ሆኗል፡፡ 

Wednesday, July 8, 2015



ኢትዮጵያ የ2015 የዓለም ምርጥ የቱሪዝም መዳረሻ፤
የአውሮፓ የቱሪዝምና ንግድ ምክር ቤት ኢትዮጵያን የባህላዊ ቱሪዝም መዳረሻ ብሎ መርጧታል፡፡ ይህው ካውንስል በ2015 የዓለም ምርጥ የቱሪዝም መዳረሻ በሚልም ነው የመረጣት፡፡ ይህን ሽልማት በማስመልከት የኢፊዲሪ ባህልና ቱሪዝም ሚኒስቴር ሚኒስትር አቶ አሚን አብዱልቃድር ክቡር ሚኒስትር ዴኤታው አቶ ሙሉጌታ ሰይድና የኢትዮጵያ ቱሪዝም ድርጅት ዋና ዳይሬክተር አቶ ሰለሞን ታደሰ ዛሬ በጋራ በሰጡት ጋዜጣዊ መግለጫ ሽልማቱን በይፋ ሐምሌ 3 ቀን 2007 ዓ.ም. በብሔራዊ ቤተ መንግስት በሚደረግ ስነ ስርዓት እንደምንቀበል ገልጸዋል፡፡
ከዚህ በፊት ለዙምባቤ በተመሳሳይ መልኩ ይህንን ዓመታዊ የዓለም የተመራጭ የቱሪዝም መዳረሻነት ሽልማት በማግኘት ኢትዮጵያ ሁለተኛዋ አፍሪካዊት ሀገር ስትሆን በዘንድሮው ሽልማት ከ31 በላይ ሀገራት ዕጩ ነበሩ፡፡ ይህንን ሽልማት በብሔራዊ ቤተ መንግስት በሚደረገው ስነ ስርዓት ስንቀበል ጠቅላይ ሚኒስትር ሃይለማርያም ደሳለኝ በአመራርነት ለኢትዮጵያ ቱሪዝም ልማት ላበረከቱት የላቀ የአመራርነት ሚና እውቅና የሚቸራቸው ይሆናል፡፡
ሽልማቱን ለመስጠት ወደ ኢትዮጵያ የሚመጣው የአውሮፓ የቱሪዝምና ንግድ ምክር ቤት የልኡካን ቡድን በኢትዮጵያ የአምስት ቀናት ቆይታው በኢትዮጵያ የሚገኙ መዳረሻዎችንና ባህላዊ እሴቶችን የሚጎበኝ ይሆናል፡፡

Saturday, June 13, 2015



           6ተኛው የአዲስ አበባ የባህል ሳምንት ተጀመረ፤
ሜሮን ታምሩ
ከሰኔ 5 እስከ 7 2007 ዓ.ም. በኤግዚቢሽን ማዕከል የሚቆየው የአዲስ አበባ ከተማ ባህል ሳምንት ልማታዊ ባህሎቻችን ለህዳሴ ጉዟችን ስኬት! የሚል መሪ ቃል አንግቧል፡፡ የባህል ሳምንቱ በባህሉ የሚኮራ፣ በማንነቱ የሚመካ፣ ትውልድ በመፍጠር ጎጂ ልማዳዊ ድርጊቶችና መጤ የሆኑ ጠቃሚነት የሌላቸው ባህሎች መከላከልና ወደ ልማት የሚመጣ ህብረተሰብ መፍጠር፣ የኪነ-ጥበብ ዘርፉ አሁን ከደረሰበት ደረጃ ወደ ተሻለ የእድገት ደረጃ ማራመድ መቻል እንዲሁም ባህሎቻችንን ከማሳደግ ጎን ለጎን አገራችን ኢትዮጵያ የበርካታ ብሄር ብሄረሰቦች መኖሪያ እንደመሆኗ እንዲሁም አዲስ አበባ የአገራችን ርዕሰ መዲና ከመሆኗ ጋር በተያያዘ በርካታ ባህሎች ከተማችን ላይ ይንፀባርቃሉ ያለባበስ፣ የአጋጊያጥ የአመጋገብ ስርዓቱ እርስ በእርስ በማገናኘትና በማዋሀድ የተሻለ ባህል እንዲኖር ያግዛል፡፡

Friday, June 12, 2015



       ለ3ኛ ጊዜ የተዘጋው ሆቴል ሾው ኢትዮጵያ 2007 የሆስፒታሊቲና ቱሪዝም ፎረም እና ኤክስፖ ተከፈተ፡፡
ሜሮን ታምሩ

ከሰኔ 4-7 2007 ዓ.ም በሚሊኒየም አዳራሽ የሚካሄደው የሆቴል ሾው ዓለም አቀፍ ደረጃ የያዘ፣ በአፍሪካ አህጉር ታዋቂነትን ያተረፈ በኢትዮጵያ መሰረት ላይ የተገነባ የሆስፒታሊቲና የቱሪዝም መድረክ የመፍጠርና ለሀገራችን የሆቴልና ቱሪዝም ኢንዱስትሪ ባለድርሻ አካላት ጋር መድረክ በማዘጋጀት በዓለም አቀፍ ደረጃና በሀገር ውስጥ የሚታዩ የኢንዱስትሪ ነክ ጉዳዮች ለመዳሰስ እና አዳዲስ የአሰራር ዘዴዎችን ለማካፈል እንዲሁም የልምድ ልውውጥ ለማድረግ ምቹ ሁኔታን ይፈጥራል፡፡



Tuesday, June 2, 2015



በአፋር ክልል 3.3-3.5 ሚሊዮን ዓመት እድሜ ያስቆጠረ የቅድመ ሰው ዝርያ ቅሪተ አካል ተገኘ
ኢትዮጵያ ለሰው ዘር አመጣጥ ጥናት ጠቃሚ የሆኑ በርካታ ቅሪተ አካላት የተገኙባት አገር በመሆኗ በሰው ዘር ምንጭነት (Cradle of Human kind) በመላው ዓለም ትታወቃለች፡፡እስካሁን ከተገኙ ከሀያ የማያንሱ የቅድመ ሰው ዝርያዎች መካከል አስራ ሶስቱ መገኛቸው ሀገራችን ኢትዮጵያ ናት፡፡

Tuesday, May 19, 2015



የምሁር አክሊል ወረዳ
ፎቶ፡-በገዝ ወንዝ
በጉራጌ ዞን ከሚገኙት ወረዳዎች አንዱ ሲሆን በ30 ቀበሌዎች እና በ1 የከተማ አስተዳደር የተዋቀረ ነው፡፡ ወረዳው በሰሜን ከኪር ገደባኖ ወረዳ፣ በምስራቅ መስቃን ወረዳ፣ በደቡብ እዣወረዳ እና በምዕራብ ቀቤና ወረዳዎች ያዋስኑታል፡፡ የወረዳው የህዝብ ብዛት 107.224 እንደደረሰ ከሥነ ህዝብ የተገኙ መረጃዎች ያመለክታሉ፡፡ ማህበረሰቡ በአብዛኛው የሚተዳደረው  በእንስሳት እርባታና በእርሻ ነው፡፡


Saturday, April 25, 2015



ባሌ ዞን
የባሌ ዞን በኦሮምያ ክልል ከሚገኙ ዞኖች አንዱ ሲሆን በቆዳ ስፋቱም ሁለተኛው  ነው፤ በስተምስራቅ የሶማሊያ ክልል፣ በሰሜናዊ ምስራቅ ምስራቅ ሐረርጌ፣ በሰሜን ምዕራብ ሐረርጌና አርሲ ዞን፣ በምዕራብ ምዕራብ አርሲ እና በደቡብ ጉጂ ዞን ያዋስኑታል፡፡ ዞኑ 14.93 በመቶ በደጋ፣ 21.54 በመቶ በወይናደጋ እና 63.53 በመቶ በቆላ የአየር ንብረት የተከፋፈለ ነው፡፡ መልከዓ ምድራዊ አቀማመጡም 55.89 በመቶ ሜዳማ፣ 30.7 በመቶ ወጣ ገባማ፣ 12.14 በመቶ ተራራማ እና ቀሪው 0.4 በመቶ ሸለቆማ ነው፡፡ በሀገራችን የቱሪዝም መስህቦች አንጋፋውን ስፍራ ከሚይዙ አካባቢዎች አንዱ የሆነው የባሌ ዞን እጅግ በርካታ የሆኑ የቱሪዝም መዳረሻ ስፍራዎችን የታደለ ምድር ነው፡፡ ጥቂቶችን በዚህ ዕትም እንዳስሳለን፡፡